सरकारमा जाने विषयमा जनता समाजवादी पार्टी अनिर्णीत देखिएको छ।
जसपाको बुधबार बिहान केन्द्रीय कार्यकारिणी समितिको बैठक बसेको थियो। बैठकमा परामर्श लिने काम भएको केन्द्रीय कार्यकारिणी समिति सदस्य मनीषकुमार सुमनले जानकारी दिए।
‘यो निर्णय गर्नका लागि बोलाइएको बैठक नै थिएन। सबै नेताहरूले आ–आफ्नो राय राख्नुभयो,’ उनले भने।
उनले केन्द्रीय कार्यकारिणीका अधिकांश सदस्यहरूको मधेस सरकारको चिन्ता देखिएको बताए।
मधेस प्रदेशमा अहिले जसपाको नेतृत्वमा सरकार छ। सरोजकुमार यादव मधेस प्रदेशका मुख्यमन्त्री छन्।
‘सबैले मधेस प्रदेश सरकारबारे चिन्ता व्यक्त गर्नुभयो। हामीले जे जति उपलब्धि हासिल गरेका छौं। त्यसको जगेर्ना गर्नुपर्यो,’ उनले सेतोपाटीसँग भने।
प्रतिनिधि सभामा जसपाको १२ सिट छ। सोमबार नयाँ गठबन्धन बन्दै चार दलबीच सत्ता साझेदारी हुँदा त्यसमा जसपाले जसपाले पनि हस्ताक्षर गरेको थियो।
