जनमत पार्टीले प्रधानमन्त्री पुष्पकमल दाहाल ‘प्रचण्ड’ लाई विश्वासको मत नदिने भएको छ।
फागुन २३ गते बसेको सचिवालय बैठकले नयाँ गठबन्धनअन्तर्गत गठबन्धमा सहभागी नहुने र सरकारलाई पनि समर्थन नदिने निर्णय गरेको राष्ट्रिय प्रवक्ता शरदसिंह यादवले बताए।
इलामको प्रतिनिधि सभा निर्वाचन क्षेत्र नम्बर २ र बझाङको प्रदेश सभा निर्वाचन क्षेत्र नम्बर (१) मा जनमत पार्टीले उम्मेदवार उठाउने निर्णय गरेको उनले जानकारी दिए।
त्यस्तै, गत माघ ८ गते सप्तरीमा भएको घटनाको छानबिन गर्न बनेको समितिले दिएको प्रतिवेदनमाथि छलफल गरी निर्देशित प्रक्रिया अगाडि बढाउने निर्णय भएको पनि उनले बताए।
प्रधानमन्त्री प्रचण्डले बुधबार विश्वासको मत लिँदैछन्।
प्रधानमन्त्रीलाई नेकपा (एमाले), माओवादी केन्द्र, जनता समाज पार्टी, एकीकृत समाजवादीले वर्तमान सरकारलाई समर्थन गरेका छन्।
नेपाली कांग्रेस, राष्ट्रिय प्रजातन्त्र पार्टी, जनमत पार्टी, लोकतान्त्रिक समाजवादी पार्टी विपक्षमा छन्।
--1715160207.JPG)
