नेकपा (एकीकृत समाजवादी) ले पुष्पकमल दाहाल 'प्रचण्ड' पछि अध्यक्ष माधवकुमार नेपाल प्रधानमन्त्री बन्ने सहमति भएको दाबी गरेको छ।
प्रधानमन्त्री दाहाललाई विश्वासको मत दिने निर्णय गर्न बुधबार बसेको संसदीय दल बैठकपछि प्रमुख सचेतक मेटमणि चौधरीले प्रचण्डपछि अध्यक्ष नेपाल प्रधानमन्त्री बन्ने सहमति भएको बताएका हुन्।
प्रमुख सचेतक चौधरीका अनुसार प्रचण्ड, नेपाल र एमालेका अध्यक्ष केपी शर्मा ओली १५ महिनाका दरले प्रधानमन्त्री बन्ने गठबन्धनभित्र सहमति भएको छ।
प्रधानमन्त्रीमा १५/१५ महिनाको सहमतिअनुसार कार्यान्वयन नभए फरक तरिकाले सोच्ने बारेमा पनि निर्णय भएको उनले बताए। सहमति कार्यान्वयन हुने गरी प्रधानमन्त्री दाहाललाई विश्वासको मत दिने निर्णय गरिएको उनले बताए।
‘हामीले हिजोको दिनमा प्रधानमन्त्रीसँग जुन सम्झौता गरेका छौँ। जुन विषयहरु बाहिर पनि आइसकेका छन्। त्यो विषयमा सहमति भएको छ। त्यसको कार्यान्वयन गर्न हामी इच्छुक छौँ। तर आज त्यो सबै सहमति कार्यान्वयन हुने गरी विश्वासको मत दिने निर्णय गरेका छौँ। हामीले जे विषयमा सहमति भएको छ, त्यो सहमति कार्यान्वयन हुन सकेन, भएन भने इमान्दारी भएन भने फरक तरिकाले सोच्न सक्ने निर्णय गरेका छौँ,’ उनले भने, ‘१५/१५ महिना प्रधानमन्त्रीको सहमति भएको छ। अबको १५ महिना प्रचण्ड, त्यसपछि माधवकुमार नेपाल र त्यसपछिको केपी शर्मा ओली प्रधानमन्त्री हुने भन्ने सहमति भएको छ।’
(न्युज एजेन्सी नेपाल)
-1709799558.jpeg)
