सत्तारूढ नेकपा (एकीकृत समाजवादी) का सांसद राजेन्द्र पाण्डेले प्रधानमन्त्री पुष्पकमल दाहाल 'प्रचण्ड' ले नयाँ समीकरण बनाउँदा आफ्नो पार्टीलाई छाडेर बनाएकोमा असन्तुष्टि जनाएका छन्।
प्रतिनिधि सभाको बुधबारको बैठकमा प्रधानमन्त्रीले राखेको विश्वासको मत प्रस्तावमाथि छलफलमा भाग लिँदै एकीकृत समाजवादीका उपाध्यक्षसमेत रहेका पाण्डेले भने, ‘एकीकृत समाजवादीको तर्फबाट संविधान रक्षाका लागि पार्टीभित्र जन्मेको व्यक्तिवादका विरूद्धमा उत्रेर हामी बिद्रोह गरेर आएको शक्ति हो, विष पिएर हामी तपाईंहरूको पासमा उभिएका थियौं। हामीलाई बाटामा छाडेर हिँड्नुभयो, योभन्दा अनैतिकता के हुन्छ?’
उनले प्रधानमन्त्री दाहाललाई रोस्टममा उभिएर भने, ‘ओलीजी र शेरबहादुरजी घाँटी जोडे तपाईंको हालत के हुन्छ?’ प्रधानमन्त्री दाहालका व्यवहारप्रति उनले आपत्ति जनाएका थिए।
शंका र षड्यन्त्रबाट अगाडि बढेको देश अघि नबढ्ने पनि उनले बताएका छन्।
१० सांसद रहेको एकीकृत समाजवादीले प्रधानमन्त्रीलाई विश्वासको मत दिने निर्णय गरिसकेको छ।
-ink-1710317734.jpeg)
