जनमत पार्टीका अध्यक्ष सिके राउतले गठबन्धन परिवर्तनबारे लामो भाषणभन्दा एलिना चौहानको गीत गाइदिन अनुरोध गरेका छन्।
बुधबार प्रधानमन्त्री पुष्पकमल दाहाल प्रचण्डले संसदमा राखेको विश्वासको प्रस्तावबारे छलफलमा बोल्दै अध्यक्ष राउतले लामो फेहरिस्तको सट्टा एलिना चौहानको गीत गाइदिन भनेका हुन्।
‘सबै दलका कुरा घन्टौंसम्म सुन्दा लाग्थ्यो; त्यो भन्दा बरू एलिना चौहानको गीत गाइदिँदा संक्षिप्त हुन्थ्यो। लामो फेहरिस्त दिनै पर्दैनथियो,’ उनले भने।
राउतले पटकपटक गठबन्धन बनाउने र फुटाउनेले जनताले के पाए भन्ने कुरालाई ध्यान नदिएको बताए।
उनले गठबन्धन गर्ने प्रवृत्ति रोक्न ऐन कानुन ल्याउनुपर्ने कि त व्यवस्थै परिवर्तन गर्नुपर्ने बताए।
‘जनताले हामीलाई दिएको विश्वासका मत बचाउन सकेका छैनौं। कहिले यता कहिले उता हाल्नुपरेको छ। विश्वासको मत प्रत्यक्ष रूपमा जनताकै हातमा सुम्पौं। जनताले प्रत्यक्ष रूपमा निर्वाचित प्रधानमन्त्री ल्याउने व्यवस्था गरौं,’ उनले भने।
-ink-1710318272.jpeg)
