प्रधानमन्त्री पुष्पकमल दाहाल ‘प्रचण्ड’ले सहकारीको रकम अपचलनमा मुछिएका रवि लामिछानेलाई उपप्रधान तथा गृहमन्त्री बनाएको टिप्पणीप्रति जवाफ फर्काएका छन्।
बुधबार विश्वासको मतको प्रस्तावमाथि उठेका प्रश्नको जवाफ दिँदै प्रधानमन्त्री प्रचण्डले नेपाली कांग्रेसले द्वेध चरित्र देखाएको आरोप लगाएका हुन्।
‘यहाँ पनि प्रश्न उठ्यो– प्रश्न उठेकालाई मन्त्री बनाउने के हो यो भनेर मलाई त थाहा छ नि.. त्यो कुरा पनि.. प्रधानमन्त्री बनाउन हिँडिराखेको कुरा पनि देखिराखिएकै छ। यति धेरै डबल स्ट्यान्डर्डको कुरा गर्ने!,’ उनले भने, ‘आफूतिर आउँछ भने प्रधानमन्त्री बनाउने! आउँदैन भने भ्रष्टाचारी, यो मुद्दामा परेको, कारबाही गर्नुपर्छ! डबल स्ट्यान्टर्ड चल्छ!’
प्रधानमन्त्रीले नेपाली कांग्रेस र नेकपा (एमाले) ले मिले आफू प्रतिपक्षमा बस्ने बताए।
प्रधानमन्त्री प्रचण्डले आफ्नो हितअनुकूल हुने गरी गठबन्धन गर्न दलहरू स्वतन्त्र रहेको बताए।
