नेपाली काँग्रेस सांसद जितजंग बस्नेतले माओवादी केन्द्र सरकारमा रहँदासम्म गैरकानुनी काम भइरहने आरोप लगाएका छन्।
बुधवारको राष्ट्रिय सभा बैठकमा बोल्दै उनले माओवादी केन्द्रको नेताका छोराहरू गैरकानुनी कारोबारमा संलग्न भएका सूचना पटकपटक आइरहँदा पनि कारबाही नहुने बताएका हुन्।
‘माओवादी केन्द्रका नेताका छोराहरु गैरकानूनी कारोबारमा संलग्न भएका सूचना पटक पटक आएका छन् तर माओवादी केन्द्र सरकारमा रहँदासम्म यस्ता गैरकानूनी कारोबारका अनुसन्धान नहुने र आफ्ना कार्यकर्तालाई उन्मुक्ति दिइरहने हो?,’ उनले भने, ‘सत्ता र शक्तिको दुरुपयोग गर्दा यस्ता गैरकानूनी कारोबार गर्न सहज हुने बनाउन हो?’
बस्नेतले सत्तामा रहेका परिवारका सदस्यहरु गैरकानूनी कारोबारमा संलग्न रहेको भनि विदेशी अदालतले समेत दोषी ठहर गरेको सूचना आएपनि गृह प्रशासन कारोबारमा संलग्नलाई अनुसन्धानको दायरामा नल्याइ उन्मुक्ति दिनेतर्फ लागेको बताए। -न्युज एजेन्सी नेपालबाट
