सत्ता गठबन्धनले तराई–मधेस लगायतका आन्दोलनका बन्दीलाई कानुनसम्मत ढंगले रिहा गरिने बताएको छ।
सत्ता गठबन्धनले मंगलबार न्यूनतम साझा कार्यक्रम सार्वजनिक गर्दै सरकार र आन्दोलनकारीबीच भएका सम्झौताअनुरूप कानुनसम्मत ढंगलेले रिहाइ गर्ने बताएको हो।
‘शान्ति प्रक्रियाका बाँकी कामलाई टुङ्याउन तत्काल कानुनी प्रबन्ध गर्ने। पीडितलाई केन्द्रमा राखी तथ्यको आधारमा सत्य स्थापित गर्ने। सत्यको आधारमा न्याय, क्षतिपूर्ति, परिपूरण, माफी र मेलमिलापका माध्यमबाट द्वन्द्व–सिर्जित पीडाको सम्बोधन गर्ने,’ न्यूनतम साझा कार्यक्रममा भनिएको छ, ‘द्वन्द्वकालमा घाइते तथा अंगभंग भएका व्यक्तिहरूलाई उपचार, रोजगारी, स्वरोजगारका अवसर र पुनःस्थापनासम्बन्धी कार्य गर्ने।’
त्यस्तै द्वन्द्वपीडित परिवारलाई क्षतिपूर्ति, पुनःस्थापना र परिपूरणको कार्य सम्पन्न गर्ने पनि साझा कार्यक्रममा उल्लेख छ।