नेपाली कांग्रेसका सांसद प्रकाशशरण महतले संसदीय छानबिन समिति गठन भएमा उपप्रधान तथा गृहमन्त्री रवि लामिछानेलाई नै सहज हुने बताएका छन्।
संघीय संसद भवन परिसरमा बुधबार पत्रकारहरूसँग कुराकानी गर्दै उनले सहकारी प्रकरणमा गृहमन्त्रीमाथि छानबिन गर्न पार्टीले माग गरिरहेको बताए।
‘छानबिनले समस्या कहाँनेर पार्छ र? समस्या छ भने मात्र छानबिनले समस्या पार्छ। नभएको कुरा त संसदीय समितिको छानबिनले नभएकै भन्छ नि, यसले त उहाँलाई नै सहज गर्छ,’ उनले भने, ‘उहाँले मैले केही गरेको छैन भनेर दाबी गर्नुभएको छ। त्यो सत्य हो भने सत्य साबित होला नि, यो झन् मौका हो।’
उनले सहकारी प्रकरणबारे छानबिन गर्दा के बिग्रन्छ भन्ने प्रश्न पनि गरेका छन्। उनले सहकारी प्रकरणबारे निष्पक्ष छानबिन हुनुपर्ने बताए।
भिडिओ:
