नेपाली कांग्रेसका नेता प्रदीप पौडेलले नेपाली कांग्रेसलाई सत्तामा जान कुनै हतार नभएको बताएका छन्।
शनिबार दाङको तुलसीपुरमा आयोजित कार्यक्रममा पौडेलले राजनीतिले गर्दा कहिले सत्तामा र कहिले विपक्षमा बताउँदै अहिले कांग्रेस प्रमुख प्रतिपक्ष दलका रुपमा संसद्मा प्रभावकारी र रचनात्मक भूमिका गरेर अगाडि बढ्ने बताए।
उनले सत्तामा जानको निम्ति अप्राकृतिक प्रपञ्च गर्न जरुरी नभएको पनि बताए।
‘हामीले कसैलाई अस्वाभाविक रुपमा कुर्सी दिएर वा गतिविधिहरू गरेर सत्तामा जान कोसिस गर्ने छैनौँ, गरेका पनि छैनौँ,’ उनले भने, ‘यो गठबन्धन आफैँ ढल्ने र अर्को बन्ने गठबन्धनमा कांग्रेस सत्तामा जान्छ। त्यसैले हामीलाई हतार गर्न कुनै आवश्यक छैन, हामी त्यो समय पर्खेर बस्नुपर्छ।’
उनले माओवादी केन्द्रले बेइमानीका कारण तत्कालीन गठबन्धन तोडेको आरोप लगाए।