नेपालका उपप्रधान तथा परराष्ट्रमन्त्री नारायणकाजी श्रेष्ठ र चिनियाँ विदेशमन्त्री वाङ यीबीच भेटवार्ता भएको छ।
मंगलबार बेइजिङमा विदेशमन्त्री वाङ यी र मन्त्री श्रेष्ठबीच भेटवार्ता भएको श्रेष्ठको सचिवालयले जनाएको छ।
भेटमा द्विपक्षीय सम्बन्धलाई थप उचाइमा पुर्याउन मिलेर काम गर्ने प्रतिबद्धता व्यक्त गरेको परराष्ट्र मन्त्रालयले जनाएको छ। यस्तै विभिन्न आयोजनाहरू कार्यान्वयनमा द्रुत अगाडि बढाउन जोड दिइने मन्त्रालयले उल्लेख गरेको छ।
आइतबार चिनियाँ समकक्षी वाङ यीको निमन्त्रणमा मन्त्री श्रेष्ठ चीन गएका थिए। भ्रमणका क्रममा मन्त्री श्रेष्ठले विभिन्न उच्चस्तरीय भेटवार्ता गर्नेछन्।
उनी चैत १९ गते नेपाल फर्किने परराष्ट्र मन्त्रालयले जनाएको छ।
