उपप्रधानमन्त्री तथा गृहमन्त्री रवि लामिछानेले आफू मन्त्रालयको नेतृत्वमा आएपछि सुनेपछि मात्रै थुन्ने नीति लिएको बताएका छन्।
प्रतिनिधि सभाको राज्यव्यवस्था तथा सुशासन समितिको आज बसेको बैठकमा मन्त्री लामिछानेले विनोद चौधरीकै विषयबाट पनि प्रष्ट हुने बताए।
‘पहिला सुन्नुपर्छ। सुन्दै नसुनी थुन्ने भन्ने हुँदैन,’ उनले भने।
मन्त्री लामिछानेले यसअघि पहिला थुन्ने त्यसपछि मात्रै सुन्ने गरेको गुनासो व्यापक रहेको बताए।
‘तर अहिले त्यस्तो नीति हाम्रो होइन। विनोद चौधरीको केसमा त्यस्तो देखिएन,’ उनले भने।
त्यसपछि कानुन पल्टाएर त्यसले भनेबमोजिम कारबाही प्रक्रिया अगाडि बढाइने उनले बताए।
‘विधिसम्मत विधिको शासनलाई फलो गरेर ल एन्ड अर्डरलाई पालना गर्ने कुरालाई कानुन पल्टाउने हो प्रतिशोध साँध्ने भन्ने हुँदैन,’ उनले भने।
