नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठले सुदूरपश्चिम प्रदेशको भूमि व्यवस्था, कृषि तथा सहकारी राज्य मन्त्री इन्दिरा गिरीलाई सांसदबाट हटाएकी छन्।
राज्यमन्त्री गिरीलाई पदमुक्त गरेको पत्र बोकेर पार्टीका नेता सुदूरपश्चिम गइसकेको केन्द्रीय सदस्य रमेश विश्वकर्माले सेतोपाटीलाई बताए।
‘उहाँलाई पार्टी निर्णयविपरीत सरकारमा सहभागी भएकोबारे सोधिएको स्पष्टीकरणमा चित्तबुझ्दो जवाफ नआएपछि हटाइएको हो। सोको जानकारी प्रदेश सभा सचिवालयलाई गराइसकेका छौं, पत्र केही बेरमा पुग्दैछ,’ उनले भने।
गिरी पार्टीका संरक्षक पक्षधर हुन्। नाउपा सुदूरपश्चिम प्रदेश संसदीय दलले नेपाली कांग्रेसका कमलबहादुर शाह नेतृत्वको सरकारमा सहभागी हुने निर्णय गरेको थियो।
त्यहीअनुसार नाउपाका सात सांसदमध्ये पाँच जना सरकारमा सहभागी भएका थिए।
