राष्ट्रिय स्वतन्त्र पार्टी (रास्वपा) का सांसद स्वर्णिम वाग्लेले कुनै आरोप लागेमा मन्त्री र सांसदले पदबाट राजीनामा दिने र संसदीय छानबिन समिति गठनको नजिर स्थापना गर्न तयार हो भन्ने प्रश्न गरेका छन्।
प्रतिनिधि सभाको बिहीबारको बैठकमा बोल्दै रास्वपा उपसभापतिसमेत रहेका वाग्लेले नेपाली कांग्रेसप्रति लक्षित गर्दै भने, ‘आरोप लाग्यो, जाहेरी पर्यो भने राजीनामा दिने र संसदीय समिति गठन गर्ने यो नजिर हामीले स्थापना गर्न तयार हो?’
यो पनि: ५० हजार बचतकर्ताको ८० करोड रुपैयाँ रवि र जिबी सामेल गोर्खा मिडियामा गएको देखिन्छ: शर्मा (भिडिओ)
यो हो भने सर्वदलीय सहमति गर्न उनले आग्रह गरेका छन्। ‘यो हो भने पहिलो हस्ताक्षर रास्वपाले गर्नेछ,’ उनले भने। उनले प्रमुख प्रतिपक्षी नेपाली कांग्रेसप्रति लक्षित गर्दै संयमित बन्न आग्रह गरेका थिए।
उनले उपप्रधान तथा गृहमन्त्री रवि लामिछानेले जबाफ दिन तयार रहेको बताएको प्रसंग पनि सुनाएका थिए। गृहमन्त्रीको जबाफ चित्त नबुझे संसदीय समिति लगायतमा जान सकिने वाग्लेको भनाइ छ।
रास्वपा अध्यक्षसमेत रहेका गृहमन्त्री लामिछाने, उपसभापति तथा श्रम मन्त्री डिपी अर्याल र सहमहामन्त्री कवीन्द्र बुर्लाकोटी सहकारी प्रकरणमा जोडिएको आरोप लागेको छ।
प्रमुख प्रतिपक्षी कांग्रेसले संसदीय छानबिन समिति गठन गरेर सहकारी प्रकरणबारे निष्पक्ष छानबिनको माग गरिरहेको छ।
भिडिओ: