नेपाली कांग्रेसको भ्रातृ संस्था नेपाल तरूण दलले केन्द्रीय कार्यालय भवन निर्माण गर्न आर्थिक सहयोग संकलन सुरू गरेको छ।
चैत १५ र १६ गते बसेको केन्द्रीय कार्यसमिति बैठकले भवन निर्माण गर्ने निर्णय गरेको थियो।
अध्यक्ष विद्वान गुरूङका अनुसार केन्द्रीय सदस्यहरूले भवन निर्माणका लागि आर्थिक सहयोग गरिरहेका छन्।
सुजन घिमिरे, सरिन घिमिरे, सौरभ केसी, कुलध्वज तामाङले चैत २७ गते जनही दुई लाख रुपैयाँ आर्थिक सहयोग गरेका छन्। यस्तै दीपेन्द्र खड्काले दुई लाख २२ हजार २ सय २२ रुपैयाँ सहयोग गरेका छन्।
यस्तै चैत २५ गते नवीन राईले दुई लाख ५५ हजार, रमेश गौतमले दुई लाख ६० हजार एक सय ५, सरोजबहादुर शाहीले दुई लाख ११ हजार एक सय ११, रत्नबहादुर महर्जनले दुई लाख एक हजार र रिता परियारले एक लाख ११ हजार एक सय ११ रुपैयाँ सहयोग गरेका छन्।
केन्द्रीय सदस्य सरिन घिमिरेले तरूण दलको केन्द्रीय कार्यालय भवन निर्माणका लागि आर्थिक सहयोग संकलन अभियान सञ्चालन गरिएको सेतोपाटीलाई जानकारी दिए।
-1746009348.jpg)
