नेपाली कांग्रेसका नेता प्रकाशमान सिंहले उपप्रधान तथा गृहमन्त्री रवि लामिछानेले पदबाट राजीनामा दिएर छानबिनलाई सहयोग गर्नुपर्ने बताएका छन्।
सहकारी प्रकरणमा लामिछाने जोडिएकोले संसदीय छानबिन समिति गठन गरेर निष्पक्ष रूपमा छानबिन गरिनुपर्ने उनको भनाइ थियो।
काठमाडौंको बुद्धनगरमा बुधबार भएको कार्यक्रममा बोल्दै सिंहले विगतमा मन्त्रीहरूमाथि आरोप लाग्दा राजीनामा दिएर छानबिनलाई सहयोग गरेको प्रसंग पनि सुनाए।
‘सहकारी प्रकरणमा कांग्रेस प्रष्ट छ, संसदीय छानबिन समिति बन्नुपर्छ,’ सिंहले भने, ‘संसदीय छानबिन बनाउन तयार नभए सदन अवरोध रहन्छ। कांग्रेसलाई पनि संसदीय अभ्यास राम्रोसँग थाहा छ।’
सहकारी प्रकरणमा गृहमन्त्री लामिछाने जोडिएकोबारे प्रधानमन्त्री पुष्पकमल दाहाल 'प्रचण्ड' ले सर्वोच्च अदालतले जसरी फैसला दिएको उनको आरोप छ।
उनले सहकारीको रकम अपचलन गरेको आरोप लागेकोले गृहमन्त्रीले पदबाट राजीनामा दिनु उपयुक्त हुने पनि बताए।
‘उहाँले राजीनामा दिनु राम्रो हुन्छ। संसदीय छाानबिन समितिले निकाल्ने निष्कर्षका आधारमा पछि अघि बढे भयो। विवादमा मुछिएपछि तत्कालीन अर्थमन्त्री जनार्दन शर्माले पनि राजीनामा दिनुभएको थियो। पछि संलग्नता नदेखिएपछि मन्त्रीमै फर्किनुभयो, संलग्नता नदेखिए त्यस्तै गरे भयो,’ उनले भने।
उनले सहकारी रकम अपचलनमा जोमाथि आरोप लागेको उही मन्त्री भएर बस्न नमिल्ने पनि बताए।
‘आरोप लागेकोले छानबिन त हुनुपर्यो नि!,’ उनले भने, ‘कांग्रेसलाई अरू पार्टीले संसदीय पाठ नसिकाए हुन्छ, यो प्रकरणमा संसदीय छानबिन समिति बनाउनुपर्छ।’
-1746009348.jpg)
