बझाङको प्रदेश सभा उपनिर्वाचनमा खसेको मत गणना भइरहेको छ।
अहिलेसम्म नेपाली कांग्रेसका उम्मेदवार अभिषेकबहादुर सिंह अगाडि छन्। उनले ९१६७ मत ल्याएका छन्।
सिंहलाई नेकपा (एमाले) का उम्मेदवार दमन भण्डारीले पछ्याइरहेका छन्। भण्डारीले ९०८४ मत ल्याएका छन्। यहाँ कांग्रेसका सिंहसँग एमालेका भण्डारीले मतान्तर घटाउँदै लगेका छन्।
माओवादी केन्द्रका उम्मेदवार जनकबहादुर बुढाले ३५३५ र नेकपा (एकीकृत समाजवादी) का उम्मेदवार दिलबहादुर सिंहले २४२७ मत ल्याएका छन्।
५० वडा रहेको बझाङ क्षेत्र नम्बर १ को प्रदेश सभा क्षेत्र १ मा अहिलेसम्म ३८ वटा वडाको मत गणना गरिसकिएको छ। अहिलेसम्म यहाँ सदर मत २४४९८ छ।
२०७९ को चुनावमा गठबन्धनबाट कांग्रेस उम्मेदवारले यहाँ चुनाव जितेका थिए।
