बझाङ प्रदेश सभा उपनिर्वाचनमा खसेको मत गणना भइरहेको छ।
५० वडा रहेको यो क्षेत्रमा अहिलेसम्म ४१ वटा वडाको मत गणना सकिएको छ।
नेकपा (एमाले) का उम्मेदवार दमन भण्डारीले अग्रता लिएका छन्। उनले ९८८९ मत ल्याएका छन्।
यहाँ यसअघि कांग्रेस उम्मेदवार अभिषेक सिंह अगाडि थिए। पछिल्लो मतगणनाको परिणाम आउँदा एमालेका भण्डारीले कांग्रेसका सिंहलाई ९ मतले अग्रता लिएका छन्।
कांग्रेसका सिंहले ९८८० मत ल्याएका छन् भने माओवादीका उम्मेदवार जनकबहादुर बुढाले ३६५४ र एकीकृत समाजवादीका दिलबहादुर सिंहले २४८५ मत ल्याएका छन्।
यहाँ सदर मत २६२१८ छ।
अब तलकाेट गाउँपालिकाकाे वडा नम्बर ४, ५, ६ र ७ तथा साइपाल गाउँपालिकाकाे वडा नम्बर १ देखि ५ सम्मको मतगणना गर्न बाँकी छ।
२०७९ को चुनावमा यहाँ गठबन्धन गरेर कांग्रेसले जितेको थियो।