बुटवलमा भीषण वर्षाको पर्बाह नगरी जेन जीहरू सडकमा उत्रिएका छन्।
जिल्ला प्रशासन कार्यालय रूपन्देहीले बिहान साढे ९ बजेदेखि जिल्लाभर निषेधाज्ञा जारी गरे पनि साढे ११ बजेदेखि बुटवल, सैनामैना, तिलोत्तमा लगायतका क्षेत्रमा प्रदर्शन सुरू भएको थियो।
बुटवलको राजमार्ग चौराहामा जम्मा भएका जेन-जीहरूको समूह वर्षाको पानीमा भिज्दै प्रदर्शनमा सहभागी भए।
प्रदर्शनकारीहरूले अहिले बुटवल वडा नं. ३ स्थित इलाका प्रहरी कार्यालय घेराउ गरेका छन्।
राजमार्ग चौराहादेखि सुरक्षाकर्मीहरू सँगै गएका प्रदर्शनकारीहरूले प्रहरी कार्यालयका मुख्य गेट अगाडि प्रदर्शन गरेका छन्।
प्रहरीले गेट बन्द गरेर प्रदर्शनकारीलाई भित्र प्रवेश गर्न रोकेको छ। बुटवलमा अहिलेसम्म कुनै अप्रिय घटना भने हुन पाएको छैन।
यता सैनामैना नगरपालिकाका मेयर फणिन्द्र शर्माको घर घेराउ गर्न गएका प्रदर्शनकारीहरूलाई प्रहरीले अश्रुग्यास प्रहार गरी त्यहाँबाट लखेटेको छ।
रूपन्देहीका प्रमुख जिल्ला अधिकारी टोकराज पाण्डेले आन्दोलनको बहानामा जिल्लामा कुनै पनि अप्रिय घटना घट्न नदिने बताए।
अहिलेसम्म युवाहरूको प्रदर्शन पनि शान्तिपूर्ण रहेको र जिल्ला प्रशासन कार्यालयको प्रयास पनि बल प्रयोग गर्ने तर्फ नरहने उनले बताए।
-1757403252.jpg)
-1757403251.jpg)
-1757403251.jpg)
-1757403251.jpg)
-1757403251.jpg)
-1746009348.jpg)
