भ्रष्टाचारविरूद्ध आन्दोलनमा होमिएका प्रदर्शनकारीले पोखरामा रहेका अधिकांश सरकारी कार्यालय जलाएका छन्।
मंगलबार भएको प्रदर्शनमा उनीहरूले गण्डकी प्रदेशको मुख्यमन्त्री तथा मन्त्रिरिषद कार्यालय लगायत प्रदेश सरकार मातहतका मन्त्रालयहरू, जिल्ला अदालत, जिल्ला प्रशासन कार्यालय लगायत सरकारी कार्यालय जलाएका हुन्।
प्रदर्शनकारीले सार्वजनिक कार्यालय जलाउने कार्यको सुरूआत पोखरा महानगरपालिकाबाट गरेका थिए।
सभागृह चोकबाट प्रदर्शनकारीको र्याली सुरू भएको थियो।
उनीहरूले न्युरोडमा रहेको महानगरको कार्यालय जलाएर सुरूआत गरेका थिए। त्यसपछि उनीहरूले पोखराका मेयर धनराज आचार्यको घरमा आगजनी र तोडफोड गरेका थिए।
प्रदर्शनकारीले नयाँ बजारमा रहेका प्रदेश सांसद विन्दुकुमार थापाको घर, पोखरा महानगर वडा नम्बर ८ को वडा कार्यालय जलाउँदै प्रदेशको मुख्यमन्त्री कार्यालय पुगेका थिए।
उनीहरूले मुख्यमन्त्री कार्यालय, सिडिओ कार्यालय जलाउँदै जिल्ला अदालत पनि जलाएको प्रत्यक्षदर्शीले बताएका छन्।
प्रदर्शनकारीले सार्वजनिक सम्पत्ति जलाउन र सडकमा प्रदर्शन गर्न अझै छाडेका छैनन्।
-1746009348.jpg)
