गत भदौ २४ गतेको प्रदर्शनमा माओवादी केन्द्रका १९ जनाभन्दा बढी नेताहरूको घरमा तोडफोड र आगजनी भएको छ। भदौ २३ गतेको जेन–जी प्रदर्शनमा काठमाडौंमै १७ जनाभन्दा बढीको मृत्यु भएपछि भोलिपल्टको आन्दोलन विध्वंशक बन्यो।
माओवादी केन्द्रले दिएको जानकारीअनुसार भदौ २४ गतेको प्रदर्शनमा अध्यक्ष पुष्पकमल दाहाल ‘प्रचण्ड’ को ललितपुर खुमलटारस्थित निवास र चितवनको घरमा लुटपाट, तोडफोड र आगजनी भएको थियो।
वरिष्ठ उपाध्यक्ष नारायणकाजी श्रेष्ठको हात्तीवनस्थित निवासमा लुटपाट भएको थियो।
उपाध्यक्ष अग्निप्रसाद सापकोटाको घर पनि तोडफोड र लुटपाट गरेर पूरै ध्वस्त बनाइएको माओवादी केन्द्रले जानकारी दिएको छ।
त्यस्तै पूर्वउपराष्ट्रपति नन्दकिशोर पुनको निवासमा आगजनी, तोडफोड र लुटपाट गरेर क्षतिग्रस्त तुल्याएको माओवादी केन्द्रको भनाइ छ।
उपाध्यक्ष कृष्णबहादुर महराको दाङस्थित घरमा, तोडफोड र लुटपाट भएको थियो।
उपाध्यक्ष पम्फा भुसालको निवास तोडफोड र लुटपाट गरिएको माओवादी केन्द्रको भनाइ छ।
उपमहासचिव वर्षमान पुनको पनि निवास, तोडफोड र लुटपाट भएको थियो। उपमहासचिव गिरिराजमणि पोखरेलको निवास तोडफोड र लुटपाट भएको माओवादी केन्द्रको भनाइ छ।
यसका अतिरिक्त चक्रपाणी खनाल, केन्द्रीय सदस्य गंगा दाहाल, केन्द्रीय सदस्य जीवन आचार्य, केन्द्रीय सदस्य रेनु दाहाल, केन्द्रीय सदस्य माधव सापकोटा, केन्द्रीय सदस्य राजन दाहाल, केन्द्रीय सदस्य विशाल खड्काको घर र गाडी पूरै ध्वस्त बनाइएको माओवादीको भनाइ छ। यस्तै केन्द्रीय सदस्य युवराज युवराज भट्टराई, केन्द्रीय सदस्य उमेश यादव, केन्द्रीय सदस्य कमल बुढाथोकी, केन्द्रीय सदस्य रामनारायण बिडारीको घरमा तोडफोड र आगजनी भएको थियो।
-1746009348.jpg)
