नेकपा एमालेको केन्द्रीय सचिवालयले अन्तरिम सरकार प्रतिशोधको बाटोमा लागेको बताएका छन्।
आइतबार भक्तपुरको गुण्डुस्थित प्रधानमन्त्री केपी शर्मा ओलीको निवासमा बसेको केन्द्रीय सचिवालय बैठकले सरकार प्रतिशोधको बाटोमा जाने संकेत गरेको निष्कर्ष निकालेको उपमहासचिव प्रदीप ज्ञवालीले बताए।
‘पछिल्लो समय घटनाक्रम जुन ढंगले विकास भइरहेका छन् खासगरी सरकारले राजनीतिक प्रतिशोधको बाटोमा जान खोजेको संकेत हामीले देखेका छौं,’ उनले भने, ‘यत्रो लामो समयसम्म राजनीतिक इतिहास बनाएका दलहरूलाई पन्छ्याएरमात्रै होइन। उनीहरूलाई निषेध गरेर जान खोजेको देखेका छौं।’
त्यस्तै सरकारले दुई हप्ताको समय भइसक्दा पनि दलसँग संवाद नगरेको उनको भनाइ थियो।
‘सरकार बनेको दुई हप्ता बितिसक्दा समेत पनि मुख्य राजनीतिक दलसँग संवाद, सम्पर्क र समन्वय पनि देखिँदैन। त्यसैले गर्दा यी सबै घटनाक्रमप्रति गम्भीर पनि छौं,’ उनले भने।
-1746009348.jpg)
