केन्द्रीय अनुसन्धान ब्युरोको टोली (सिआइबी) को टोली पूर्वपरराष्ट्रमन्त्री आरजु राणाका भाइ भूषण राणाको घरमा पुगेको खुलेको छ।
स्रोतका अनुसार सिआइबीको टोली आइतबार दिउँसो ललितपुरको जावलाखेलस्थित भूषणको घरमा पुगेको हो।
पछिल्लो एक महिनादेखि आरजुका भाइ भूषण घरमा नरहेको स्रोतले बताएको छ।
भदौ २४ गते काठमाडौंको बुढानिलकण्ठस्थित कांग्रेस सभापति शेरबहादुर देउवाको घरमा प्रदर्शनकारीले आगजनी गरेका थिए। आगजनी हुँदा उनको घरमा जलेका रकम पनि देखिएका थिए।
यसैबीच सम्पत्ति शुद्धीकरणको लागि भइरहेको अनुसन्धानमा भूषण समेत जोडिन सक्ने देखेर प्रहरीको टोली त्यहाँ पुगेको हो।
यद्यपि प्रहरीको टोलीले कसैलाई नियन्त्रणमा लिने वा कुनै सामान बरामद भने नगरेको स्रोतले बतायो।
विभागको टोलीले घरमा भेटिएका जलेका रकमबारे छुट्टै अनुसन्धान गरिरहेको छ।
-1746009348.jpg)
