राष्ट्रिय सभाका अध्यक्ष नारायण दाहालका प्रमुख स्वकीय सचिव विष्णु सापकोटा जुगलले गाडी फिर्ता गरेका छन्।
संसद सचिवालयबाट सापकोटाले गाडी सुविधा प्राप्त गर्दै आएका थिए।
कानुन तथा कुनै औपचारिक निर्णय बेगर नै अध्यक्षको सचिवायलमा रहेका सापकोटाले गाडी सुविधा प्राप्त गरेका थिए।
‘गणेश तिमिल्सिना अध्यक्ष भएका बेला उहाँको मौखिक आदेशमा प्रमुख स्वकीय सचिव गोविन्द अकेलाले गाडी सुविधा लिएका थिए,’ संसद सचिवालयका एक उच्च तहका अधिकृतले भने, ‘त्यसैको निरन्तरता स्वरूप सापकोटाले पनि गाडी सुविधा प्रयोग गरिरहेका थिए।’
संसद सचिवालयले धमाधम कानुन बेगर सुविधा प्राप्त गर्ने पदाधिकारीहरूको सुविधा खोस्न थालेपछि सापकोटाले पनि गाडी फिर्ता गरेका हुन्।
‘प्रमुख स्वकीय सचिवले पनि आजै गाडी फिर्ता गर्नुभयो,’ सचिवालयले भन्यो, ‘उहाँले गाडी सुविधा पाउने व्यवस्था थिएन।’
-1746009348.jpg)
