नेकपा (एमाले) का अध्यक्ष केपी शर्मा ओलीले भदौ २३ र २४ को जेन जी आन्दोलन सरकार परिवर्तनका लागि मात्रै नभएको बताएका छन्।
बुधबारबाट सुरू भएको केन्द्रीय कमिटीको दसौं बैठकमा राजनीतिक प्रस्ताव प्रस्तुत गर्दै ओलीले भदौ २३ र २४ गतेको आन्दोलन मुलुकको राष्ट्रियता, लोकतन्त्र, संविधान, अर्थतन्त्र, संस्कृति र राष्ट्रिय एकतालाई ध्वस्त पार्ने षड्यन्त्रका रूपमा अर्थ्याएका हुन्।
‘केही घन्टाको अन्तरालमा देशलाई युद्धभूमिजस्तो बनाएर खरानी बनाउने कुचेष्ट भयो। प्रधानमन्त्रीले राजीनामा दिइसकेपछि भएका यी घटनाहरू सरकार परिवर्तनका लागि मात्र होइन, मुलुकको राष्ट्रिय, लोकतन्त्र, संविधान, अर्थतनत्र, संस्कृति र राष्ट्रिय एकतालाई ध्वस्त पार्टे सुनियोजित षड्यन्त्रका अंग थिए,’ उनले राजनीतिक प्रतिवेदनमा भनेका छन्।
अध्यक्ष ओलीले सामाजिक सञ्जालको निर्बाध सञ्चालन, भ्रष्टाचार नियन्त्रण र सुशासन लगायत जेन जी युवाहरूले राखेका मागमा कसैको विमति नरहेको पनि उनले बताएका छन्। ‘यी हामीले प्रयास गर्दै आएका कुरा हुन् र सामाजिक सञ्जाल बन्द गर्न होइन, नियमन गर्न मात्र खोजिएको थियो।
संविधानले दिएको शान्तिपूर्ण भेला र सभा गर्ने अधिकार प्रयोग गर्दै आफूहरूको प्रदर्शन शान्तिपूर्ण, मर्यादित र प्रचलित कानुनको दायराभित्र रहेर आयोजना हुन्छ भन्ने बचनबद्धतासहित जेनजी युवाहरू आयोजना गरिएको कार्यक्रमप्रति कसैको अन्यथा धारणा हुन सक्दैन,’ उनले भनेका छन्।
उनले अगाडि भनेका छन्, ‘तर आयोजकहरूले शान्तिपूर्ण रूपमा आयोजना गरेको कार्यक्रममा घुसपैठ गरेर ठूलो संख्यामा युवा विद्यार्थीहरूको जसरी हत्या भयो हामी त्यस घटनाप्रति गहिरो दुःख व्यक्त गर्दछौं। भदौ २३ गते गोली लागेर ज्यान गुमाउनुहुने युवाहरू र भदौ २४ गते अराजक भीडको हिंस्रक आक्रमणमा परेर ज्यान गुमानुहुने सुरक्षाकर्मी र नागरिकप्रति हार्दिक श्रद्धाञ्जदी अर्पण गर्दछौं।’
अध्यक्ष ओलीले भदौ २४ गतेको घटना सोभियत युनियन र अमेरिकाको शीतयुद्धपछि विभिन्न मुलुकमा शक्ति राष्ट्रहरूले गर्दै आएको कलर रिभोल्युसनकै अभ्यासको निरन्तरता भएको टिप्पणी गरेका छन्।
‘भदौ २४ गते देशव्यापी रूपमा जुन स्परूपको तोडफोड, आगजनी र लुटपाटको आतंक सिर्जना भयो, त्यो कुनै स्वःस्फूर्त, अघिल्लो दिनको घटनाको आक्रोशको परिणाम या सामान्य घटना थिएन। यो त लामो तयारी सहितको सुनियोजित र राष्ट्र, जनता, लोकतन्त्र र संविधान विरूद्धको भयानक षड्यन्त्र र आक्रमण थियो। वास्तवमा यो घटना विभिन्न शक्ति राष्ट्रहरूले शीतयुद्धपछि विभिन्न मुलुकमा गर्दै आएको तथाकथित कल रिभोल्युसनकै अभ्यासको निरन्तरता थियो। यसको उद्देश्य सरकार परिवर्तन गर्ने मात्र थिएन, मुलुकको राष्ट्रियता, लोकतन्त्र र संविधानलाई नै समाप्त पारेर मुलुकलाई भूराजनीतिक भुँवरीमा फसाउने, मुलुकको अर्थतन्त्रको मेरूदण्ड भाँच्ने र देशलाई अस्थिरता र अराजकतातिर धकेल्ने थियो,’ उनले भनेका छन्।
यो पनि: 'केपी ओली सुध्रिएनन् भन्छन् बौद्धिकहरू, बिग्रेको भए पो सुध्रिनू!'
1635339834.jpeg)
-1756794700.JPG)
-1746009348.jpg)
