नेकपा (एमाले) का अध्यक्ष केपी शर्मा ओलीले वर्तमान सुशीला कार्की नेतृत्वको सरकारले चुनाव नै हुन नदिने बताएका छन्।
बुधबारबाट सुरू भएको केन्द्रीय कमिटीको दसौं बैठकमा राजनीतिक प्रतिवेदन प्रस्तुत गर्दै अध्यक्ष ओलीले सरकारको गतिविधि चुनावतिर होइन, भिडन्ततिर उन्मुख रहेको टिप्पणी गरेका छन्।
‘राजनीतिक पार्टीका नेताहरूको राहदानी रद्द गर्ने, उनीहरूलाई स्थान हद गर्ने, सभा, जुलुस, र्याली जस्ता कार्यक्रमहरूलाई नियन्त्रण गर्ने र अभिव्यक्ति स्वतन्त्रतामा रोक लगाउने सरकारको गतिविधि निर्वाचनको वातावरण बनाउनेतिर उन्मुख छैनन्, निषेध र भिडन्ततिर उन्मुख छन्। यस सरकारले चुनाव भन्छ तर चुनावको वातावरण बनाउँदैन, चुनाव हुन दिँदैन भन्ने स्पष्ट छ,’ उनले भनेका छन्।
सरकारले चुनावको वातावरण बनाउनका लागि गर्नुपर्ने न्यूनतम काम पनि नगरेको ओलीको टिप्पणी छ।
‘सरकार उल्टोउल्टो बाटो हिँडिरहेको छ। सरकारको आडमा बसेर पुराना राजनीतिक दलहरूलाई बाहिर निस्कनै नदिने, चुनावमा भागै लिन नदिने, मुद्दा लगाइदिने, जिते परिणाम खारेज गर्ने जस्ता उत्तेजक र निषेधकारी धम्की दिने विभिन्न विवादास्पद पात्रहरूलाई संरक्षण र दुरूत्साहन गरिरहेको छ,’ ओलीले प्रतिवेदनमा भनेका छन्।
1635339834.jpeg)
-1756794700.JPG)
-1746009348.jpg)
