नेपाली कांग्रेसको केन्द्रीय कार्यसमिति बैठक शुक्रबार पनि केन्द्रीय कार्यालय सानेपामा बस्यो।
केन्द्रीय सदस्यहरूले पार्टीले तय गरेको १० बुँदे एजेन्डामा आधारित रहेर धारणा राखेका थिए।
आज बोलेका अधिकांश केन्द्रीय सदस्यहरू नियमित महाधिवेशनका पक्षमा देखिएका छन् भने विशेष महाधिवेशनका लागि महाधिवेशन प्रतिनिधिहरूले गरेको हस्ताक्षरको सम्मान गरिनुपर्नेमा छन्।
मंसिरभित्रै १५ औं महाधिवेशन गर्न सकिनेमा केन्द्रीय सदस्यहरू देखिएका छन्।
महामन्त्री गगन थापाले केन्द्रीय कार्यसम्पादन समिति बैठकमा विभिन्न विकल्पसहित प्रस्ताव राख्दै मंसिर २७ देखि २९ गतेसम्म केन्द्रीय महाधिवेशन गर्न सकिने बताएका थिए। उक्त प्रस्ताव केन्द्रीय समितिमा पेस भइसकेको छैन।
आज केन्द्रीय समितिमा धारणा राखेका अधिकांश नेताहरूले नियमित महाधिवेशन मंसिरमा गर्न सकिने बताए।
गण्डकी प्रदेशका सभापति शुक्रराज शर्माले नियमित महाधिवेशनमा जोड दिँदै मंसिरभित्रै गर्नुपर्ने बताए।
केन्द्रीय सदस्य भरतकुमार शाह, प्रदीप पौडेल, गोपाल दहित, चन्द्रमोहन यादव, डिला संग्रौला, अर्जुनप्रसाद जोशी, मुक्ताकुमारी यादव, मैकुलाल बाल्मीकी, सञ्जय गौतम लगायतले नियमित महाधिवेशनमा जोड दिँदै मंसिरभित्रै महाधिवेशन सम्भव रहेको बताए।
उनीहरूमध्ये भरतकुमार शाह, प्रदीप पौडेल, गोपाल दहित, डिला संग्रौला, मैकुलाल वाल्मीकिले महाधिवेशन प्रतिनिधिले वैधानिक तवरले माग गरेको विशेष महाधिवेशनलाई हल्का रूपमा नलिन कार्यवाहक सभापति पूर्णबहादुर खड्कालाई आग्रह गरेका थिए।
समयमा नै नियमित महाधिवेशन गर्दा मात्रै विषेश महाधिवेशन मागकर्ताको विषय हुन सक्ने कुरा कांग्रेसमा उठेको छ।
नेता वीरबहादुर बलायरसहित केहीले भने मंसिरभित्रै नियमित महाधिवेशन गर्नका लागि अहिलेसम्म किन आवश्यक तयारी नभएको हो भनेर प्रश्न गरेका थिए।
महाधिवेशन तयारी गर्न सभापति शेरबहादुर देउवा वा केन्द्रीय समिति केले रोकेको थियो भन्ने प्रश्न उनको थियो।
-ink-1760606572.jpeg)
1635339834.jpeg)
-1746009348.jpg)
