भदौ २३/२४ को घटना जाँचबुझ आयोगले तत्कालीन गृहसचिव गोकर्णमणि दुवाडीमाथि लगाएको उपत्यका छाड्न नपाउने आदेश ७ दिनका लागि फुकुवा गरेको छ।
उपत्यका छोड्न पाए पनि विदेश भ्रमणमा रोक भने यथावत रहेको भदौ २३/२४ को घटना सम्बन्धी जाँचबुझ आयोगले जनाएको छ।
असोज ३१ गते (शुक्रबार) बसेको जाँचबुझ आयोगको बैठकले दुवाडीलाई ७ दिन उपत्यका छोड्न अनुमति दिइएको जाँचबुझ आयोगका प्रवक्ता विज्ञानराज शर्माले जानकारी दिए।
उनका अनुसार हाल दुवाडी राष्ट्रिय योजना आयोगको सचिवका रूपमा कार्यरत छन्। सो कारण जेन-जी आन्दोलनको क्रममा भएको सार्वजनिक सम्पत्तिको क्षतिको मूल्याङ्कन गर्न सातै प्रदेशमा जानुपर्ने भएकाले ७ दिनका लागि फुकुवा गरिएको हो।
फुकुवा गरिएको समयमा पनि आयोगले बोलाएको बेलामा बयान दिन आउनुपर्ने उनले बताए।
1635339834.jpeg)
-1746009348.jpg)
