नेकपा (माओवादी केन्द्र) महाधिवेशन आयोजक समितिका संयोजक पुष्पकमल दाहालले पटक—पटक संसद विघटन गर्नेहरुले संसद पुनस्र्थापनका कुरा गर्नु हास्यास्पद भएको टिप्पणी गरेका छन्।
अखिल नेपाल ट्रेड युनियन महासंघले शनिवार गरेको कार्यक्रमा प्रचण्डले एमालेलाई संसद पुनःस्थापनातिर नभई निर्वाचनतिर लाग्न आग्रह गरेका हुन्।
सरकारले तोकेको समयमा निर्वाचन नभए अर्को अराजकता निम्तिने खतरा रहने उनले बताए।
'हिजो पटक पटक संसद विघटन गर्नेहरुले अहिले संसद पुनःस्थापनाको कुरा गर्नु जस्तो हास्यास्पद कुरा अरु केही हुन सक्दैन। म ती साथीहरुलाई यस्तो वितण्डाको पछि नलाग्न र आजको यथार्थलाई स्वीकार गरेर यो निर्वाचन सफल पार्न आग्रह गर्न चाहन्छु,' प्रचण्डले भने।
संयोजक प्रचण्डले निर्वाचन सफल बनाउने कार्यमा एमालेलाई पनि सहकार्यका लागि आह्वान गरे।
'नेकपा एमालेका साथीहरुलाई आजको यो यथार्थलाई स्वीकारेर निर्वाचन सफल पार्न आउनुहोस्, सबै मिलेर वृहत सहकार्य गरौँ । यो नै देशको, संविधानको, लोकतन्त्रको रक्षाको अहिलेको सबभन्दा उत्तम विकल्प हो । यसलाई भाड्ने दुचेष्टा कसैले नगरौं,' उनले भने।
1635339834.jpeg)
-1746009348.jpg)
