नेकपा (एकीकृत समाजवादी) का स्थायी कमिटी सदस्य रामकुमारी झाक्री र केन्द्रीय सदस्य कृष्णकुमार श्रेष्ठ 'किसान' लगायत नेताहरू नेकपा (एमाले) फर्कन खोजेका छन्।
एमाले अध्यक्ष केपी शर्मा ओली र झाक्रीलगायत नेताहरूबीच आज भेटवार्ता भएको थियो। उक्त भेटवार्तापछि कात्तिक २४ गते झाक्रीसहित नेताहरू एमालेमा फर्कन तयार भएको पोलिट्ब्युरो सदस्य महेश बस्नेतले जानकारी दिए।
माधवकुमार नेपालको नेतृत्वमा एकीकृत समाजवादीलगायत १० दलीय घटक एकता भई नेपाली कम्युनिष्ट पार्टी गठन भएको छ भने उक्त पार्टीमा झाक्रीलगायत नेताहरू गएका थिएनन्।
उनीहरूले पत्रकार सम्मेलन गरी एमालेमा फर्कन सकिने संकेत गरेका थिए।
-1746009348.jpg)
