नेपाली कांग्रेसका केन्द्रीय सदस्य विनोद चौधरीले आगामी चुनावमा कसले टिकट बाँड्ने भनेर अहिले पार्टीमा लडाइँ भइरहेको बताएका छन्।
आजको केन्द्रीय समिति बैठकमा बोल्दै चौधरीले भने, ‘मैले यहाँ र बाहिर पनि सुनेँ, यो सम्पूर्ण लडाइँ टिकट कसले बाँड्ने भन्ने कुराको लडाइँ न हो यो, घुमिफिरि। प्रश्न टिकट कसले बाँड्ने भन्ने होइन, कस्तालाई टिकट दिने भन्ने हो भोलिका दिनमा। पार्टीलाई जित्ने कसरी बनाउने हो?’
उनले ठूला भनिएका दलहरूलाई अस्वीकार्य गरेको शक्तिसँग चुनाव लड्नुपर्ने अवस्था रहेको पनि बताए।
‘यी पार्टीको हातबाट देश र हाम्रो कल्याण छैन भनेर भास्य बनाइएको छ, त्यसका लागि हाम्रो पार्टीको रणनीति के हो? अरू दलले नयाँ अनुहारलाई भित्र्याएका छन्, हामीले के गर्ने हो?,’ उनले भने, ‘कांग्रेस रूपान्तरण भएको हेर्न चाहन्छु, जाग्यो र अर्कै ढंगबाट सबै ढोका खोलेको रूपमा हेर्न चाहन्छु। जेनजीलगायत सबैलाई हामी समेट्न तयार छौं?’
-1746009348.jpg)
