नेपाली कांग्रेसका आमन्त्रित केन्द्रीय सदस्य दीपक खड्काले जेठभित्र १५ औं महाधिवेशन गरिसक्नुपर्ने बताएका छन्।
आज सानेपामा बसेको केन्द्रीय समिति बैठकमा बोल्दै उनले ०८३ जेठभित्र नियमित महाधिवेशन गर्ने गरी पार्टी अघि बढ्नुपर्ने बताए।
‘नियमित महाधिवेशन गर्दा पार्टी वडा तहदेखि केन्द्र तहसम्म नै क्रियाशील हुन्छ, जेठसम्म महाधिवेशन गरौं,’ उनले भने।
उनले कांग्रेस कमजोर हुँदा राष्ट्रियतामाथि खतरा उत्पन्न हुने, नागरिक असुरक्षित हुने र लोकतन्त्र नै समाप्त हुने हुँदा सबै कुरा बिर्सेर पार्टीभित्र एकता कायम गर्नुपर्ने बताए।
पार्टीभित्रका सबै तहमा कम्तिमा १० प्रतिशत जेनजी पुस्तालाई सिट सुरक्षित गर्नुपर्ने, पार्टीको विधानलाई समयानुकूल बनाउन एक विधायन संशोधन समिति तत्काल गठन गर्नुपर्ने उनको भनाइ छ।
खड्काले भदौ २३ गते जेनजी पुस्ताले उठाएको आवाजलाई पार्टीले सम्बोधन गर्नुपर्ने बताए। भदौ २४ गतेको घटना राष्ट्रमाथिको आक्रमण, लोकतन्त्रमाथिको आक्रमण र नेपालको अर्थतन्त्रमाथिको आक्रमण भएको उनले बताए।
-1746009348.jpg)
