प्रगतिशील राष्ट्रिय अभियानले सरकारले तोकेकै मूल्यमा किसानले चाहे जति धान बेच्न पाउने व्यवस्था गर्न माग गरेको छ।
बर्दियाको राजपुर लगायत तराई मधेसका जिल्लाहरुमा किसानले धानको न्यूनतम मूल्य नपाएको अभियानले शनिबार विज्ञप्ती जारी गर्दै चाहे जति धान सरकाले तोकेकै मूल्यमा बेच्न पाउने व्यवस्था गर्न माग गरेको हो।
'सरकारी मूल्यमा खाद्य व्यवस्था तथा व्यापार कम्पनीले धान नकिनेपछि किसानहरु कौडीको भाउमा धान बेच्न बाध्य भएका छन् । किसानले धान उत्पादनको लागि मलबीउ किन्न लिएका ऋण तिर्न र घर खर्च धान्नको लागि ती कम्पनी र व्यापारीले नै ताकेको मूल्यमा धान बेच्न बाध्य पारिएका घटना आफैमा निन्दनीय छ,' अभियानले विज्ञप्तीमा भनेको छ।
उत्पादन गरेका धान घाटा खाएर बेच्न बाध्य पारेर किसानलाई पलायन गर्न खोजिएको अभियानले बताएको छ।
'यो भनेको किसानलाई पलायन गराउनु मात्र होइन, स्वदेशी उत्पादन प्रणालीलाई ध्वस्त पार्नु पनि हो। सरकारले तोकेको मूल्यमा किसानले बिना झन्झट चाहेजति धान बेच्न सक्ने तत्काल प्रबन्ध मिलाउन प्रगतिशील राष्ट्रिय अभियान सरकारसँग जोडदार माग गर्दछ,' विज्ञप्तीमा भनिएको छ।
-1763106181.jpg)
-1746009348.jpg)
