मेक्सिकोमा हजारौं युवाहरू सडकमा निस्किएर प्रदर्शन गरेका छन्।
शनिबार जेन-जी पुस्ताले आह्वान गरेको प्रदर्शनमा हजारौं युवाहरू सहभागी भएका हुन्।
राजधानी मेक्सिको सिटीमा प्रदर्शनकारी र प्रहरीबीच झडप हुँदा अवस्था तनावग्रस्त समेत बनेको अन्तर्राष्ट्रिय समाचार संस्था रोयटर्सले जनाएको छ।
युवाहरूले देशभरि बढ्दो हिंसा र अपराध नियन्त्रणका लागि सरकारले चासो नदिएको आरोप लगाएका छन्।
नोभेम्बर १ मा मिचोआकान राज्यको उरूआपान नगरका मेयर कार्लोस म्यान्जोको सार्वजनिक कार्यक्रममै गोली हानी हत्या भएको थियो।
यो घटनापछि सरकारले शान्ति सुरक्षा कायम गर्न नसकेको, हिंसा भड्काएको भनेर युवाहरू आक्रोशित भएको रोयटर्सले जनाएको छ।
उनीहरूले सामाजिक सञ्जाल 'बोट' मार्फत अभियान चलाएका थिए।
सामाजिक सञ्जालबाटै आह्वान भएको प्रदर्शनमा हजारौं युवाहरू सहभागी भएका हुन्।
शनिबार प्रदर्शनकारीहरू राष्ट्रपति क्लाउडिया सेइनबाउमको निवासमा पस्न खोजेपछि माहोल तनावपूर्ण बनेका थिए। राष्ट्रपति भवनको वरपर लगाइएका बारहरू प्रदर्शनकारीले भत्काउन खोजेपछि प्रहरीले हस्तक्षेप गरेको थियो।
त्यसक्रममा प्रहरी र प्रदर्शनकारीहरूबीच झडप भएको थियो। स्थिति नियन्त्रणमा लिनका लागि प्रहरीले दर्जनौं से अश्रु ग्यास प्रहार गरेको थियो।
सार्वजनिक सुरक्षामन्त्री पाब्लो भास्केजले झडपमा १०० जना प्रहरी घाइते भएका छन्।
तीमध्ये ४० जनाको अस्पतालमा उपचार भइरहेको छ। झडपमा २० जना सर्वसाधारण पनि घाइते भएको उनले जानकारी दिए।
सुरक्षा अधिकारीहरूले २० जना प्रदर्शनकारीलाई पक्राउ गरिएको र अन्य २० जनालाई प्रशासनिक कारबाही गरिएको जनाएका छन्।
देशका मुख्य मुख्य सहरहरूमा पनि प्रदर्शन भएको छ।
उनीहरूले राष्ट्रपति सेइनबामको पार्टी विरूद्ध नाराबाजी गरेका थिए।
कार्लोसलाई सरकारले मारेको भन्ने सन्देश दिने नाराहरू उनीहरूले प्रदर्शनमा लगाएका थिए।
'जेनेरेसन जेड मेक्सिको' समूहले आफूहरू कुनै राजनीतिक दलसँग सम्बन्धित नभएको र केवल हिंसा, भ्रष्टाचार र सत्ताको दुरुपयोगविरुद्ध आवाज उठाएको बताएको छ।
सरकारले भने यी प्रदर्शनहरू दक्षिणपन्थी विपक्षी दलहरूको उक्साहटमा भएको आरोप लगाएको छ।
साथै, सामाजिक सञ्जालमा 'बोट' (स्वचालित खाता) प्रयोग गरेर आन्दोलनलाई कृत्रिम रूपमा फैलाइएको सरकारको दाबी छ।
-1763106181.jpg)
-1746009348.jpg)
