नेपाली कांग्रेसका गण्डकी प्रदेश सभापति शुक्रराज शर्माले आफूहरूलाई जिम्मेवारी दिए एक महिनामै महाधिवेशन गरिदिने बताएका छन्।
उनले नियमित महाधिवेशन नै एक महिनाको तयारीले गर्न सकिने बताएका हुन्।
विशेष महाधिवेशन पक्षधरले आज काठमाडौंमा गरेको भेलामा बोल्दै सभापति शर्माले भने, ‘म गण्डकी प्रदेशको सभापति हुँ, केही कारणले महाधिवेशन गर्न सकिन्न भन्ने मलाई लाग्दैन। हामीलाई जिम्मेवारी दिऊँ, एक महिनाको समय दिऊँ, सबै प्रक्रिया पुर्याएर महाधिवेशन गर्छौं, यसका लागि सातै प्रदेश तयार छ।’
उनले बिपी कोइरालाका पालामा महाधिवेशन माग गर्नै पर्ने अवस्था नभएको बताए। त्यसबेला सिद्धान्त र पद्दतीअनुसार पार्टी चलेको उल्लेख गर्दै उनले ५४ प्रतिशतले माग गर्दा पनि महाधिवेशन गर्दिनँ भन्ने अवस्था आउनु दु:खद रहेको बताए।
उनले जो सभापति बने पनि अहिलेको अवस्था हल गरेर जाने बताए। उनले गल्ती नदोहोर्याउने प्रतिबद्धतासहित जनताका बीचमा जानुपर्ने पनि बताए।
-1746009348.jpg)
