नेपाली कांग्रेसले १५ औं महाधिवेशनबाट निर्वाचित केन्द्रीय कार्यसमितिको विवरण निर्वाचन आयोगमा बुझाएको छ।
सोमबार महामन्त्री प्रदीप पौडेल नेतृत्वमा गएको टोलीले असोज १८ देखि २३ गतेसम्म काठमाडौंमा भएको महाधिवेशनबाट निर्वाचित पदाधिकारी र केन्द्रीय सदस्यहरूको फोटोसहितको विवरण निर्वाचन आयोगमा बुझाएको हो।
‘हामीले १५ औं महाधिवेशनबाट आएको कार्यसमिति अद्यावधिक गर्न आज निर्वाचन आयोगमा विवरण बुझाएका छौं,’ सहमहामन्त्री प्रकाश रसाइली स्नेहीले सेतोपाटीसँग भने।
गगन थापा नेतृत्वको कार्यसमितिलाई अद्यावधिक गर्न कांग्रेसले आयोगमा विवरण बुझाएको हो।
राजनीतिक दलसम्बन्धी ऐनको दफा ५१ अनुसार केन्द्रीय कार्यसमितिको विवरण बुझाइएको कांग्रेसले जनाएको छ। राजनीतिक दलसम्बन्धी ऐनअनुसार दलले पदाधिकारी हेरफेर गरे त्यसको जानकारी दिनुपर्ने व्यवस्था छ।
आयोगले दल दर्ता किताबमा पदाधिकारी हेरफेरसँग सम्बन्धित विषय अद्यावधिक गर्ने व्यवस्था छ।
महामन्त्री प्रदीप पौडेलका अनुसार १५ औं महाधिवेशनबाट नयाँ कार्यसमिति आएकोले अद्यावधिक गर्न आयोगमा विवरण पेस गरिएको हो।
