समीक्षा बाँस्कोटा नेतृत्वको विवेकशील साझा पार्टीले राष्ट्रिय स्वतन्त्र पार्टी (रास्वपा) सँग पार्टी एकता गर्ने निर्णय गरेको छ।
विवेकशील साझाले आज केन्द्रीय समिति बैठक गरेर रास्वपासँग एकता गर्ने निर्णय गरेको हो।
विवेकशील साझाका प्रवक्ता आशुतोष प्रधानले रास्वपासँग पार्टी एकता निर्णय भएको विज्ञप्ति निकालेर जानकारी गराएका छन्। उनकाअनुसार दुई पार्टीबीच एकता घोषणा सभा आइतबार हुनेछ।
विवेकशील साझाको आज बसेको केन्द्रीय समिति बैठकमा उपाध्यक्ष एवं संवाद समितिका संयोजक प्रकाशचन्द्र परियारले पेस गरेको वैकल्पिक राजनीतिक दलबीचको 'बृहत्तर ध्रुवीकरण/एकीकरण प्रस्ताव' सर्वसम्मत अनुमोदन गरेको थियो।
त्यसअनुसार राष्ट्रिय स्वतन्त्र पार्टीसँग एकीकरण गर्ने निर्णयलाई पारित गरेको उनको भनाइ छ।
पार्टी एकीकरणका अन्य प्राविधिक सवाल दुवै दलका नेतृत्वको समझदारीको जगमा चाँडै सहमतिमा पुग्ने उनले जानकारी दिए। विवेकशील साझाका नेताहरूले रास्वपाको घन्टी चुनाव चिह्नमा चुनाव लड्ने प्रतिक्रिया दिएका छन्।
* शीर्षक परिवर्तन गरिएको
-1746009348.jpg)
