अन्तरिम सरकारका प्रधानमन्त्री सुशीला कार्कीले युवाहरूले चाहेजस्तो देश निर्माण गर्ने दिशामा सरकार अग्रसर रहेको बताएकी छन्।
तमु ल्होसारका अवसरमा आयोजित कार्यक्रमलाई काठमाडौंमा सम्बोधन गर्दै उनले पछिल्ला दिनहरूमा देखिएका परिस्थितिबाट पाठ सिक्दै शान्तिपूर्ण, संविधानसम्मत र लोकतान्त्रिक बाटोमार्फत युवाहरूले चाहेजस्तो देश निर्माण गर्ने दिशामा अग्रसर भएको उल्लेख गरिन्।
उनले यसको मुख्य आधार स्वच्छ र निष्पक्ष निर्वाचन नै भएको बताइन्।
आगामी फागुन २१ गते हुन लागेको निर्वाचनको वातावरण देशभर बन्दै गएको बताइन्।
राजनीतिक दलहरूका तर्फबाट उत्साहका साथ समानुपातिक निर्वाचन प्रणालीतर्फका उम्मेदवारको बन्दसूची निर्वाचन आयोगमा पेस हुनुले पनि निर्वाचन सम्पन्न गर्ने दिशामा नयाँ कोशेढुंगा पार गरिएको बताइन्।
उनले भनिन्, ‘पछिल्ला दिनहरूमा देखिएका परिस्थितिबाट पाठ सिक्दै आज हामी शान्तिपूर्ण, संविधानसम्मत र लोकतान्त्रिक बाटोमार्फत युवाहरूले चाहेजस्तो देश निर्माण गर्ने दिशामा अग्रसर भएका छौँ। त्यसको मुख्य आधार भनेको स्वच्छ र निष्पक्ष निर्वाचन नै हो। आगामी फागुन २१ गते हुन लागेको निर्वाचनको वातावरण देशभरि बन्दै गएको छ। राजनीतिक दलहरूका तर्फबाट उत्साहका साथ समानुपातिक निर्वाचन प्रणालीतर्फका उम्मेदवारको बन्दसूची निर्वाचन आयोगमा पेस भएका छन्। यसबाट निर्वाचन सम्पन्न गर्ने दिशामा नयाँ कोशेढुंगा पार गरेका छौँ। यसका लागि राजनीतिक दलको नेतृत्व तथा युवाहरूले देखाउनुभएको सुझबुझका लागि आभार व्यक्त गर्दछु।’
उनले अगाडि भननि्, ‘साथै, यस प्रक्रियामा सामेल संवद्ध सबै पक्षलाई हार्दिक धन्यवाद पनि ज्ञापन गर्दछु। आगामी प्रक्रियामा पनि यस्तै उत्साहका साथ सबै पक्ष सामेल हुने विश्वास सरकारको छ। सरकारले शान्ति, सुरक्षा र सुव्यवस्था कायम गर्दै भयरहित वातावरणमा निर्वाचन सम्पन्न गर्न कुनै कसर बाँकी राखेको छैन। यस कार्यमा सबै राजनीतिक दल, नागरिक समाज र सम्पूर्ण नेपाली दाजुभाइ दिदीबहिनीहरूको साथ, सहयोग र सक्रिय सहभागिता अत्यन्तै आवश्यक छ। मुलुकले अब थप अस्थिरता होइन, स्थायित्व र विश्वास चाहेको छ। हामी सबै मिलेर शान्ति, एकता र समृद्धिको मार्गमा अघि बढ्नुको विकल्प छैन।’
प्रधानमन्त्री कार्कीले सरकारले शान्ति, सुरक्षा र सुव्यवस्था कायम गर्दै भयरहित वातावरणमा निर्वाचन सम्पन्न गर्न कुनै कसर बाँकी नराख्ने बताइन् –न्युज एजेन्सी नेपाल
-ink-1767085346.jpeg)
-1746009348.jpg)
