नेपाली कांग्रेसका कार्यवाहक सभापति पूर्णबहादुर खड्काले आज पत्रकार सम्मेलन गर्ने भएका छन्।
कार्यवाह सभापति खड्का र नेता शेखर कोइरालासहित नेताहरूले आज निर्वाचन आयोग पुगेर आधिकारिकता दाबी गरेका थिए।
त्यसलगत्तै कार्यवाहक सभापति खड्काले आज दिउँसो २ बजे पत्रकार सम्मेलन हुने जानकारी गराएका छन्।
विशेष महाधिवेशनबाट गगन थापा सभापतित्वमा नयाँ कार्यसमिति आएर निर्वाचन आयोगमा अद्यावधिक गर्न हिजो निवेदन परेको थियो।
त्यसपछि कार्यवाहक सभापति खड्का नेतृत्वमा आज नेताहरू पुगेर आफूहरू नै आधिकारिक रहेको बताएका हुन्।
कार्यवाहक सभापति खड्काले आज दिउँसो २ बजे केन्द्रीय कार्यालय सानेपामा पत्रकार सम्मेलन गर्ने तयारी गरेका छन्।
-1768540926.jpeg)
-1746009348.jpg)
