नेपाली कांग्रेस प्रचार विभागका प्रमुख मीन विश्वकर्माले सभापति शेरबहादुर देउवाको कार्यकाल मंसिरमै सक्किएकाले विशेष महाधिवेशनको औचित्य नहुने बताएका छन्।
शनिबार निर्वाचन आयोगमा पत्रकारहरूसँग बोल्दै विश्वकर्माले त्यसयता सभापति देउवाको कार्यकाल थपिएको र थपिएको अवधिमा विशेष महाधिवेशन नहुने बताएका हुन्।
'चार वर्षको समय अवधि हुनेछ तर ४० प्रतिशतले मागे अगावै पनि हुन सक्नेछ भनेको हो। ४ वर्ष त मंसिरमै पूरा भइसकेको छ। थप गरिएको एक वर्षमा विशेष महाधिवेशन भन्ने नामै जोड्न मिल्दैन। विशेष महाधिवेशन समयअवधि पूरा नहुँदै बोलाउने हो। समय अवधि पूरा भएपछि त्यो ढिलो हुन सक्छ, नियमित हुन सक्छ तर विशेष हुन सक्दैन,' उनले भने।
उनले कांग्रेस नफुटोस् भनेर लगातार अपिल गर्दै आएको बताए।
'तर कोही साथीलाई जबरजस्ती बस्नुस् भनेर हातखुट्टा बाँधेर राख्न सकिँदैन। यति भइसकेपछि बस्न नसक्ने साथीहरू जान सक्छन्। गएका साथीहरू पनि फर्केर आउन् भनेर कारबाही नगरी राखेका छौं। गएका साथीहरूलाई शुभकामना, आउनेलाई स्वागत बसेकहरूसँग सहकार्य गर्छौं,' उनले भने।
विश्वकर्माले विशेष महाधिवेशनको पक्षमा हस्ताक्षर गरेका ८३७ जना प्रतिनिधिले हस्ताक्षर फिर्ता लिएको दाबी गरेका छन्।
'८३७ जना प्रतिनिधिले हस्ताक्षर फिर्ता लिनुएको छ। ४७ जिल्ला सभापति यहीँ हुनुहुन्छ। अरू पनि आउँदै हुनुहुन्छ,' उनले भने।
-1746009348.jpg)
