नेपाली कांग्रेसका उपसभापति विश्वप्रकाश शर्माले कांग्रेस एकताबद्ध भएर निर्वाचनमा जाने बताएका छन्।
केन्द्रीय कार्यसमिति बैठकमा सहभागी हुन नयाँ बानेश्वर पुगेका उपसभापति शर्माले पत्रकारहरूसँग कुराकानी गर्दै पार्टीका अन्य नेताहरूले पनि निर्वाचन आयोगको निर्णयलाई आत्मसात गर्ने र चुनावमा पार्टी एकताबद्ध भएर जाने बताएका हुन्।
'विधि स्थापनामा लामो संघर्ष गरेका थुप्रै नेता हाम्रो पार्टीमा हुनुहुन्छ। विश्वप्रकाश र गगन थापाको उमेरजति विधि स्थापना गर्न योगदान गरिसक्नुभएका हाम्रा श्रद्धेय कुनै पनि नेताहरूले निर्वाचन आयोगले विधिपूर्वक गरेको निर्णयलाई आत्मसात गर्नु नै हुनेछ। हामी एकताबद्ध भएर निर्वाचनतर्फ अघि बढ्छौं,' उनले भने।
उपसभापति शर्माले नवीन कांग्रेसमार्फत नवीन समाज बनाउन सफल हुने विश्वास व्यक्त गरे।
' निर्वाचनतर्फ मात्रै होइन। नवीन कांग्रेसमार्फत नवीन समाज बनाउने कुरामा हामी सफल हुन्छौं,' उनले भने।
-1768636625.jpg)
-1746009348.jpg)
