नेपाली कांग्रेसका महामन्त्री प्रदीप पौडेलले पार्टीलाई एकताबद्ध बनाएर लैजाने बताएका छन्।
शनिबार केन्द्रीय कार्यसमिति बैठकअघि पत्रकारहरूसँग कुराकानी गर्दै महामन्त्री पौडेलले कांग्रेसको एकता बलियो बनाउन सबै अग्रजहरूलाई सम्मान गर्ने सबैलाई अवसर प्रदान गर्ने बताएका हुन्।
एउटै पार्टीभित्रका समस्या छलफलमार्फत सहमति खोजेर अगाडि बढ्ने र उनले जनताले चाहेको जस्तै कांग्रेस बनाउने प्रतिबद्धता पनि व्यक्त गरे।
यद्यपि विधि र प्रक्रियामार्फत अघि बढेको विषयमा प्रश्न गर्नु अस्वाभाविक हुने उनले बताए। व्यवहारका विषयमा उदार हुने महामन्त्री पौडेलले बताए।
'विधि प्रक्रियामार्फत अघि बढेको विषयमा कसैले प्रश्न गर्नु स्वभाविक भएन। व्यवहारगत पक्षबाट मिलाउने कुरा, अवसरहरू प्रदान गर्ने कुरा, सबैलाई समेट्ने कुरा कसैलाई बाहिर बस्न नदिएर अगाडि लैजाने कुरामा चाहिँ हामीहरू उदारतापूर्वक काम गर्नेछौं। मुख्यगरी व्यवहार अनुदार भयो भन्ने विगतको गुनासो हुँदैन,' उनले भने।
भिडिओः
-1746009348.jpg)
