नेपाली कांग्रेसका केन्द्रीय सदस्य बलबहादुर केसीले फागुन २१ गते हुने प्रतिनिधिसभा निर्वाचनमा आफू उम्मेदवार नहुने बताएका छन्।
कांग्रेस सोलुखुम्बु जिल्ला कार्यसमितिले नेता केसीको नाम एक नम्बरमा रहने गरी उम्मेदवार सिफारिस गरेको थियो।
तर नेता केसीले यसपालि चुनाव नलड्ने घोषणा गरेका हुन्।
२०७९ सालको चुनावमै आफूले अर्को चुनाव नलड्न पनि सक्छु भनेको स्मरण गर्दै केसीले भनेका छन्, 'फागुन २१ गतेको चुनावमा म उम्मेदवार नहुने निर्णय गरेको छु।'
आफू कांग्रेसको एक इमानदार कार्यकर्ता भएकोले चारतारे झन्डा र रूख चिह्न भएका उम्मेदवारलाई सहयोग गर्ने पनि उनले बताएका छन्। केसी नेता शेखर कोइरालानिकट छन्।
-1746009348.jpg)
