काठमाडौं महानगरपालिकाका मेयर बालेन शाह र जेनजी अगुवा सुदन गुरूङ एकसाथ घन्टीघर जाने भएका छन्। आफूले मेयर बालेन शाह एकसाथ दिउँसो ३ः३० बजे राष्ट्रिय स्वतन्त्र पार्टी प्रवेश गर्न लागेको गुरूङले जानकारी दिएका हुन्।
‘आज दिउँसो ३ः३० बजे, बालेन शाह र म औपचारिक रूपमा राष्ट्रिय स्वतन्त्र पार्टी मा प्रवेश गर्दैछौं,’ उनले लेखेका छन्।
यो निर्णय पद, शक्ति वा व्यक्तिगत स्वार्थका लागि होइन, जनताको अपेक्षा र जिम्मेवारीप्रतिको प्रतिबद्धताबाट आएको उनको भनाइ छ।
‘तपाईंहरूले माग गर्नुभएको जवाफदेहिता, दिशा र नतिजालाई अब संस्थागत रूपमा अघि बढाउने समय आएको छ। जनहित पहिलो प्राथमिकता रहनेछ, युवाको विश्वास सुरक्षित रहनेछ, र परिवर्तनलाई स्थायी बनाइनेछ। यो यात्रा तपाईंहरूसँगै अघि बढ्छ,’ उनले भनेका छन्।
-1746009348.jpg)
