नेपाली कांग्रेसका नेता शेखर कोइरालाले पार्टी निर्णय मानेर निर्वाचनमा होमिन आफूनिकट नेता तथा कार्यकर्ताहरूलाई आग्रह गरेका छन्।
आज काठमाडौंको बत्तिसपुतलीमा भएको भेलामा बोल्दै नेता कोइरालाले पार्टी विवादबारे अदालतले जे आदेश दिए पनि मान्ने गरी अहिले निर्वाचनमा होमिन आग्रह गरेका हुन्।
भेलामा पुगेका एक नेताले न्युज एजेन्सी नेपालसँग कुराकानी गर्दै नेता कोइरालाले अदालतले जे आदेश दिए पनि मान्ने गरी अहिले आफ्नो जिल्ला क्षेत्रमा जान कार्यकर्ताहरूलाई आग्रह गरेको जानकारी दिए।
‘मुलुकमा भएको संविधान संकट र पार्टीभित्र भएको जटिल परिस्थितिमा पार्टीका उम्मेदवारहरूलाईअग्रणी रुपमा रहेर सहयोग गर्न र निर्वाचित गराउन आग्रह गर्छु,’ कोइरालाका भनाइ उद्धृत गर्दै उनीनिकट ती नेताले भने।
निर्वाचन आयोगले विशेष महाधिवेशनबाट आएको कार्यसमितिलाई मान्यता दिएपछि निवर्तमान सभापति शेरबहादुर देउवानिकट नेताहरू त्यसको विरोधमा सर्वोच्च अदालत गएका छन्। देउवा पक्ष अदालत गए पनि कोइराला पक्ष भने अदालतमा उपस्थित भएका थिएनन्।
-1746009348.jpg)
