नेपाली कांग्रेसका नेता शेखर कोइरालाले आफू मध्यमार्गी भएकाले पार्टीभित्र दबाब झेलिरहेको बताएका छन्।
काठमाडौंको बत्तिसपुतलीमा आज भएको बेलामा बोल्दै उनले आफू सत्यको बाटो हिँडिरहेको बताए।
‘मध्यमार्ग र सत्यको बाटो गारो र अप्ठ्यारो हुन्छ तर जित उसैको हुन्छ। म सत्यको बाटो हिँडिरहेको छु। यसबाट बिचलित हुन्न,’ कोइरालाका भनाइ उद्धृत गर्दै उनको सचिवालयले भनेको छ।
साथै उनले पार्टीलाई अतिवादले गाँजेको भन्दै आफू कुनै पनि अतिवादको घेरामा नपरी मध्यममार्गी बाटोबाट बिचलित नहुने बताएका थिए।
छलफलमा बोल्ने नेताहरूले पार्टीको १५औं महाधिवेशन अन्यौलता रहेको र त्यसको सुनिश्चितता हुनुपर्नेमा जोड दिएका थिए। साथै तोकिएको मितिमा निर्वाचन हुनेमा ढुक्क हुने अवस्था नभएको धारणा राखेका थिए।
उनले फागुन २१ को निर्वाचनमा सहभागी हुन पनि आग्रह गरेका थिए।
कोइरालाले देश र लोकतन्त्र संकटमा रहेकाले निर्वाचनमा जानुको विकल्प नरहेको बताएको उनको सचिवालयको भनाइ छ। उनले चुनावमा सहभागी हुन नेता कार्यकर्ताहरूलाई पनि आग्रह गरेका छन्।
पार्टीमा देखिएको विवादको विषय अदालत प्रवेश गरिसकेकोले आफूलाइ अदालतको निर्णय मान्ने हुने उनले बताए।
-1746009348.jpg)
