नेपाली कांग्रेसले हिमाली जिल्लाहरूमा लगभग उम्मेदवार तय गरेको छ।
सहमहामन्त्री डिला संग्रौला पन्तले हिमाली जिल्लाहरूमा उम्मेदवार तय गर्ने काम करिब सकिएको जानकारी दिइन्।
बाँकी जिल्लाहरूमा आज अपराह्न ४ बजे संसदीय बोर्ड बैठक गरेर उम्मेदवार तय गरिने उनले बताइन्।
संस्थापन पक्षले निवर्तमान सभापति शेरबहादुर देउवा पक्षका नेताहरूलाई पनि टिकट दिने गरी छलफल पनि अघि बढाएका छन्।
चुनाव जित्न सक्ने देउवा पक्षका नेताहरूलाई टिकट दिने संस्थापन पक्षको तयारी छ।
‘सबैलाई समेटेर एकढिक्कासाथ पार्टी निर्वाचनमा होमिन्छ,’ सहमहामन्त्री संग्रौलाले भनिन्, ‘सबै उम्मेदवार तय भएपछि मात्रै नामावली आउँछ।’
संस्थापन पक्षले प्रवक्ता देवराज चालिसे र केन्द्रीय सदस्य मधु आचार्यलाई निवर्तमान सभापति देउवा पक्षसँग संवाद गर्ने जिम्मेवारी दिएको एक नेताले बताए।
त्यसअनुसार नेता बालकृष्ण खाण, रमेश लेखक तथा शेखर कोइरालनिकट नेता मिनेन्द्र रिजालसँग संवाद भइरहेको नेताहरूको भनाइ छ।
-1746009348.jpg)
