राष्ट्रिय स्वतन्त्र पार्टी (रास्वपा) का उपसभापति स्वर्णिम वाग्लेले संघीय संसदमा पुग्न नसक्ने नेताहरूलाई 'पार्किङ' गर्ने संरचना बनेको प्रदेशसभामा प्रणालीगत सुधार गर्नुपर्ने बताएका छन्।
रास्वपाले सोमबार जनकपुरमा आयोजना गरेको घोषणा सभामा बोल्दै पूर्वसांसद वाग्लेले संघीय संसद र स्थानीय तहको बीचमा प्रदेशसभा कृतिम खालको अपरिपक्व अभ्यासका रूपमा रहेको बताए।
'हामी संघीयताप्रति अटुट रूपले प्रतिबद्ध छौं। तर दलहरूले यसलाई कहिले पनि संघीय संसदमा पुग्न नसक्ने नेताहरूला पार्किङ गर्ने संरचना बनाएका छन्,' उनले भने, 'केन्द्रको नकक्ल गरेर प्रदेशसभामा थोपरिएका प्रणाली सुधारेर अगाडि जानुपर्नेछ।'
काण्डै काण्डको भारी बोकेको र सयौं मन्त्री बनाएको यो प्रदेशसभाले नतिजा दिन नसकेको उल्लेख गर्दै वाग्लेले यो संरचनामा सुधार गर्नुपर्ने बताए।
-1746009348.jpg)
