प्रगतिशील लोकतान्त्रिक पार्टी (प्रलोपा) ले सोमबारसम्म रूपन्देहीका तीद वटा निर्वाचन क्षेत्रमा उम्मेदवारको टुंगो लगाएको छ।
प्रलोपाका रुपन्देही संयोजक पंकज राईले क्षेत्र नम्बर २, ३ र ५ मा उम्मेदवार टुंगो लागेको बताए।
त्यस्तै क्षेत्र नम्बर १ र ४ मा मंगलबार बिहानसम्म उम्मेदवार टुंग्याएर मनोनयन दर्ता गरिने उनले जानकारी दिए।
जसअनुसार रूपन्देही क्षेत्र नम्बर ३ मा गोविन्द काराखेतीलाई उम्मेदवार बनाइएको छ।
रूपन्देहीको तिलोत्तमा नगरपालिका वडा नम्बर १७, सखुवानी निवासी काराखेती ३५ वर्षदेखि शिक्षण सेवामा संलग्न छन्।
हाल क्रेभियन कलेज ललितपुरमा कार्यरत काराखेती शिक्षक समाज नेपालको केन्द्रीय अध्यक्ष समेत हुन्।
त्यस्तै प्रलोपा क्षेत्र नम्बर २ मा नारायण नागिलालाई उम्मेदवार बनाएको छ। बुटवल उपमहानगरपालिका वडा नम्बर ४, आदर्श नगर निवासी नागिला प्रलोपा अध्यक्ष परिषदका सदस्य हुन्।
त्यसैगरी क्षेत्र नम्बर ५ मा युवा नेता सुनिल चौधरीलाई उम्मेदवार बनाइएको छ।
लुम्बिनी सांस्कृतिक नगरपालिका वडा नम्बर १० निवासी ३३ वर्षीय चौधरी प्रलोपा केन्द्रीय सदस्य छन्।
-1746009348.jpg)
