नेपाली कांग्रेसका उपसभापतिद्वय विश्वप्रकाश शर्मा र पुष्पा भुसाल दुवै जना प्रतिनिधिसभा चुनाव नलड्ने भएका छन्।
२०७९ सालको निर्वाचनमा झापा–१ बाट चुनाव जितेका उपसभापति शर्माले यसअघि नै चुनाव नलड्ने घोषणा गरेका थिए।
उनलाई कांग्रेसले निर्वाचन परिचालनको जिम्मेवारी दिइसकेको छ।
अर्की उपसभापति भुसालले पनि यस पटक चुनाव नलड्ने भएकी हुन्।
२०७९ सालमा अर्घाखाँची–१ मा एमालेका टोपबहादुर रायामाझीसँग उनी पराजित भएकी थिइन्।
शर्मा र भुसाल कांग्रेस विशेष महाधिवेशनबाट उपसभापति छानिएका हुन्।
-1746009348.jpg)
